Monday, May 16, 2016

තායිලන්තයේ Rally කාර්





Rallying හෙවත් රැලි ධාවනය කියන්නේ බොහොම ජනප්‍රිය මෝටර් රථ ධාවන තරග වර්ගයක්. මේකේ විශේෂත්වය වෙන්නේ විශේෂ රේස් ට්‍රැක් එකක වෙනුවට දුෂ්කර පාරවල් වගේ තැන්වල වාහන ධාවනය කිරීමයි. මේවායේදී පාවිච්චි වෙන්නේ, ක්‍රියාකාරීත්වය වැඩිවෙන සහ තරගයට සුදුසු විදිහට මොඩිෆයි කරපු, සාමාන්‍ය පාරේ දුවන්න නීතියෙන් අවසර තියන (රෝඩ් ලීගල්) වාහන. සුබාරු ඉම්ප්‍රෙසා WRX සහ ලාන්සර් ඊවෝ කියන්නේ මේ වෙනුවෙන්ම හදපු, අපි බොහෝ දෙනෙක් දන්න, ශ්‍රී ලංකාවෙත් බොහොම ජනප්‍රිය වාහන වර්ග දෙකක්. 

රැලි ධාවනයේ සුවිශේෂීම සන්ධිස්ථානය විදිහට මම සලකන්නේ 1980 දී Audi Quattro එක හඳුන්වා දීම. මේක නිසා Mercedes Benz 190E Cossworth එකට යන එන මං නැතිවුණු බව සමහර විට ඔයාලා දන්නවා ඇති. 

රැලි ධාවනයේ ඉතිහාසය හරි විචිත්‍රයි. සමහර වෙලාවට භයංකරයි. ඒ ගැන පස්සේ වෙලාවක වෙනම කතාකරන්නම්. මේ පෝස්ට් එක දාන්නේ තායිලන්තයේදී මම දැකපු රැලි වාහන ප්‍රදර්ශනයක පින්තූර ටිකක් ඔයාලට පෙන්නන්නයි. 

තායිලන්තයේ මිනිස්සුන්ට හොඳට කාර් උණ තියනවා. එයාලා අලුත් කාර් වලටත් ක්ලැසික් කාර් වලටත් එක වගේම උනන්දුයි; ආදරෙයි. පහුගිය පෙබරවාරි මාසේ මම එහේ කරපු සංචාරෙකදී මේ කාර් ටික දැක්කා MBK Center එකේ පල්ලෙහාදී. අවාසනාවකට මම යනකොට උත්සවේ ඉවර වෙලා. නමුත් කාර් ටික එතන තිබුණා. 

අපේ රටේ කට්ටිය රැලි ගැන උනන්දු නැතත් ඉතින් ස්ටිකර් ගහන්න රුසියෝ නේ. ඒ නිසා මේ පින්තූර ටික මෙතන පළකරනවා. 

මේ සමහරක් වාහන අලුත් කාර්ම නොවෙන්න පුළුවන්. ඒත් මේවා ක්ලැසික් කැටගරියට දාන්නත් අමාරුයි. සාමාන්‍යයෙන් මෝටර් රථ ධාවන තරග ගැන වැඩියෙන් උනන්දු අලුත් කාර් වලට උනන්දු වෙන අයම නිසයි මේක මේ බ්ලොග් එකේ දාන්නේ. බලන්නකෝ කොහොමද කියලා. 






























3 comments:

  1. 3rd pic එක HachiRoku එකක් නේද ?
    Initial D මතක් වුනා 😃😃

    ReplyDelete
    Replies
    1. මගේ යාලුවෙක් මේ දවස් වල HachiRoku එකක් හදනවා. මිනිහා ෆොටෝස් දානවා, මට ඇඬේනවා... :D

      Delete